Söngdagur með kirkjukórum í Skagafirði

15. janúar 2019

Söngdagur með kirkjukórum í Skagafirði

Sunnudaginn 13. janúar komu kirkjukórar í Skagafirði saman til söngdags á Löngumýri.

Fimm organistar; Stefán Gíslason, Rögnvaldur Valbergsson, Sveinn Árnason, Anna María Guðmundsdóttir og Jóhann Bjarnason komu með sitt fólk, um 50 manns og sungu kórlög og kynntu sér nýja sálma undir leiðsögn Margrétar Bóasdóttur, söngmálastjóra.

Að venju voru glæsilegar kaffiveitingar á Löngumýri og söngdeginum lauk með helgistund þar sem Dalla Þórðardóttir, prófastur sem skipulagði daginn ásamt söngmálastjóra, flutti ritingarorð, sr. Halla Rut Stefánsdóttir leiddi bænir og vígslubiskup Solveig Lára Guðmundsdóttir lýsti blessun.

Ákveðið var að halda næsta samsöngsdag kirkjukóra með Húnvetningum á sama tima að ári.

Mynd frá söngdeginum tekin af Gunnari Rögnvaldssyni.

  • Frétt

Einar Áskell fæst við smíðar
23
ágú.

Boðið í leikhús í kirkju

...daglegt líf verður ævintýri líkast
Helga Kolbeinsdóttir, tilvonandi æskulýðsprestur
23
ágú.

Prestsvígsla í Skálholti

...æskulýðsprestur í Digraness- og Hjallasóknum...
María, Hildur Björk og Sigfús munu kynna þjónustumiðstöðina
22
ágú.

Lífleg kynning á kirkjutorgi

Öllum sem vinna á kirkjulegum vettvangi er boðið til kirkjutorgsins