Samkunduhús, kirkja og moska í einu húsi

16. janúar 2019

Samkunduhús, kirkja og moska í einu húsi

Hús einingarinnar.jpg - myndByggingar trúfélaga geta reynst dýrar. Nú stendur til að reisa í Berlín sameiginlegt guðsþjónustuhús fyrir þau sem aðhyllast gyðingdóm, kristni og islam. Sem sé samkunduhús, kirkja og moska í einu húsi sem kallast mun Hús einingarinnar. Fordyri verður sameiginlegt. Áætlað er að fyrsta skóflustunga hússins verði tekin á næsta ári.

Þetta má ekki skilja svo að hin stóru trúarbrögð gefi eitthvað eftir í kenningum sínum og boðun. Hins vegar viðurkenna þau með sýnilegum hætti ólíkar hefðir og sameiginlega sögu þegar skref þetta verður tekið.

Sá staður sem orðið hefur fyrir valinu undir Hús einingarinnar er sögulegur út af fyrir sig. Húsið verður reist á Péturstorgi í miðborg Berlínar en þar má finna rústir af kirkju frá árinu 1237. Kirkjan sú var jöfnuð við jörðu á tíma kommúnismans í Austur-Þýskalandi og lóðin nýtt sem bílastæði. Á þessu ári verða rústir kirkjunnar grafnar upp og svæðið allt rannsakað áður en hafist verður handa við að reisa þetta einstaka guðsþjónustuhús.

Helgihaldsrými hverra trúarbragða fyrir sig er svipað að stærð en úr þeim öllum er gengið inn í sameiginlegan forsal. Úr forsalnum verður hægt að ganga niður í grafhvelfingu gömlu Péturskirkjunnar. Forsalinn má einnig nota fyrir ýmsa viðburði.
Þeir fulltrúar kristninnar, gyðingdóms og islams sem hafa haft forgöngu um þetta verkefni eru á einu máli um að með því sé ekki alls ekki verið að blanda saman ólíkum trúarbrögðum heldur sé um hagkvæmissjónarmið að ræða. En ekki síst sé verið að sýna fram á í verki með þessari byggingu að ólík trúarbrögð geta unnið saman í bróðerni og systerni eða með öðrum orðum verið undir sama þaki.
Þýska sambandsstjórnin hefur stutt við verkefnið með framlagi sem nemur tíu milljónum evra.

Fróðlegt verður að sjá hvernig til tekst með þetta. Spurning er hvort þetta sé það sem koma skuli.

Fréttin er fengin af: https://www.religion.dk/
  • Frétt

4127539843_267f79cdd9_z.jpg - mynd
25
apr

Fjöldamorð á kristnu fólki

Biskup Íslands biður presta landsins að biðja fyrir þeim sem líða vegna hryðjuverkaárásanna í Kólombó höfuðborg Sri Lanka og segir: Oftast hefur verið litið á kirkjur sem griðastaði, þar sem fólk getur komið saman og...
Kópavogskirkja.jpg - mynd
25
apr

Umsækjendur um afleysingarþjónustu

Biskupsstofa auglýsti eftir prestum til afleysingarþjónustu í þremur prestaköllum
Brynja Dögg.jpg - mynd
24
apr

Samstarf kirkju og lögreglu - og persónuverndarmál

Vorfundur presta í Reykjavíkurprófastsdæmi vestra var haldinn í safnaðarheimili Dómkirkjunnar í Reykjavík í dag.