„Er stofnanakristni að verða búin?“

22. janúar 2019

„Er stofnanakristni að verða búin?“

bjalla-kirkjuþings2.jpg - mynd

Fundur um kirkjuna í nærumhverfi sínu

„Er stofnanakristni að verða búin?“ Þannig var spurt á fundi 9. janúar s.l. um kirkjuna í nærumhverfi sínu. Fundurinn var liður í málfundaröð undir yfirskriftinni „Framtíðarsýn óskast“ sem haldnir verða fram á vor.

Á fundinum voru lagðar til grundvallar spurningar um þjónustu kirkjunnar við almenning  í söfnuðum og rætt um það starf sem boðið er upp á í hverri sókn, s.s. helgihald, barna- og æskulýðsstarf og öldrunarstarf. Því var haldið fram að kirkjurnar störfuðu í of mörgum litlum skipulagsheildum. Þannig mætti ná hagræðingu með því að sameina prestaköll, - t.d. að prófastsdæmin í Reykjavík störfuðu hvort um sig sem ein starfseining, enda væru sóknarmörk á höfuðborgarsvæðinu löngu úrelt.

Þá var sett fram sú skoðun að hin hefðbundna „stofnanakristni“ sem einkennt hefur Þjóðkirkjuna, þ.e. sem stofnun sem býður upp á embættisverk, s.s. skírn, fermingu, giftingu og jarðarför væri að renna sitt skeið. Fólk leitaði síður til kirkjunnar með slíka þjónustu en áður, - þjónustu sem liti að tímamótum í ævi þess.

Fram kom að Þjóðkirkjan þyrfti að breytast meira í átt að hreyfingu en stofnun, þar sem fólk kæmi meira að starfinu í kirkjunni sem sjálfboðaliðar. Ef til vill hefðu aukin fjárráð kirknanna á sinni tíð dregið úr sjálfboðnu starfi og breytt eðli kirkjunnar í þá veru að verða meiri stofnun.

Næsti málfundur um framtíðarsýn fyrir kirkjuna verður haldinn mánudaginn 11. febrúar. Þá verður rætt um stjórnsýslu kirkjunnar, t.d. hvort skipulag á kirkjustjórninni sé of flókið, um miðstýringu  og starfsmannavanda. Fundurinn verður kynntur sérstaklega síðar.

Halldór Reynisson

  • Frétt

4127539843_267f79cdd9_z.jpg - mynd
25
apr

Fjöldamorð á kristnu fólki

Biskup Íslands biður presta landsins að biðja fyrir þeim sem líða vegna hryðjuverkaárásanna í Kólombó höfuðborg Sri Lanka og segir: Oftast hefur verið litið á kirkjur sem griðastaði, þar sem fólk getur komið saman og...
Kópavogskirkja.jpg - mynd
25
apr

Umsækjendur um afleysingarþjónustu

Biskupsstofa auglýsti eftir prestum til afleysingarþjónustu í þremur prestaköllum
Brynja Dögg.jpg - mynd
24
apr

Samstarf kirkju og lögreglu - og persónuverndarmál

Vorfundur presta í Reykjavíkurprófastsdæmi vestra var haldinn í safnaðarheimili Dómkirkjunnar í Reykjavík í dag.